मुख्य समाचार

राष्ट्रिय स्वतन्त्र पार्टीका सभापति रवि लामिछाने श्रीमतीसहित तीनदिने निजी तीर्थयात्राका लागि भारत प्रस्थान गरेका छन्। उनले कैंची धाम र कामाख्या मन्दिरमा पूजाअर्चना गर्ने कार्यक्रम राखेका छन्।

नेपालको सार्वजनिक ऋण ३० खर्ब ९ अर्ब ११ करोड पुगेको छ, जो जीडीपीको ४५.५९ प्रतिशत हो। तीन महिनामा सरकारले १ खर्ब २३ अर्ब ३२ करोड ऋण लियो।

शिक्षा तथा खेलकुदमन्त्री सस्मित पोखरेलले विद्यालय शिक्षा विधेयकलाई सरकारको पहिलो प्राथमिकतामा राखिएको बताउँदै निर्माण प्रक्रिया पारदर्शी, सहभागितामूलक र विद्यार्थीमैत्री बनाइने प्रतिबद्धता जनाए।

पूर्वाञ्चल विश्वविद्यालय शिक्षण अस्पताल, गोठगाउँलाई सुविधासम्पन्न र नागरिकमैत्री बनाउन स्वतन्त्र नागरिक समाज सुन्दरहरैंचाले उपकुलपति प्रा. डा. सुजन बाबु मरहट्टासमक्ष ११ बुँदे मागपत्र बुझाएको छ।

त्रिपुरेश्वरस्थित राहदानी विभागको सर्भर डाउन भएको छ । इन्टरनेट समस्याका कारण बायोमेट्रिक लगायतका काम प्रभावित भए पनि अफलाइन काम भइरहेको छ ।

काठमाडौं — डेटा हब प्रालिको डेटा सेन्टरमा र्‍यान्समवेयर आक्रमण भएपछि नेपाल स्टक एक्सचेन्ज (नेप्से)ले सोमबार, असोज ५ गतेको नियमित कारोबार स्थगित गरेको छ। यही डेटा सेन्टरमा सर्भर राखेका ७२ ब्रोकर कम्पनीको प्रणाली चल्न नसकेपछि सेयर बजार बन्द भएको हो। मंगलबार बजार खुल्ने कि नखुल्ने भन्ने टुंगो अझै लागेको छैन।

hh

अर्घाखाँचीको सन्धिखर्क नगरपालिका–७ भोजुङ्गेका पहिरोको जोखिममा रहेका २१ घरधुरीका ७१ जनालाई जिल्ला प्रशासन, प्रहरी, सशस्त्र प्रहरी, नगरपालिका र रेडक्रसको समन्वयमा खाँचीकोटको चन्द्रप्रभा नजिकैको बहुउद्देश्य भवनमा सारिएको छ।